ஜெய் ஹே

மிக மிக

அடிப்படையானவை

'ஜெய்’க்கும்

‘ஹே’க்கும் இடையிலான

வேறுபாடுகள்

முன்னதுக்கு வேண்டியது

வெற்றி மட்டுமே

எவரையும்

எதனையும் நசுக்கியாவது

பின்னது

வெறுமனே

வலியையும்

வேதனையையும்

துயரத்தையும் 

தோழமையையும்

குற்றவுணர்வையும்

அன்பையும்

களைப்பையும்

கையறுநிலையையும்

ஆதரவையும்

ஆறுதலையும்

வெளிப்படுத்தவும்

சமயத்தில் 

‘ஏய்’  ‘அடேய்’ என்ற

அர்த்தத்தில்

கடவுளைக்கூட

கூப்பிடுவதற்கும்

பயன்படுத்தப்படுவது

முன்னே

நீங்கள் எதைப் போடுகிறீர்கள்

என்பதைப் பொறுத்தவன்தான்

ராம்

     -ஆசை

கீழ்க்கண்ட கவிதைகளையும் தவற விடாதீர்கள்: 

1. திருவாளர் கோட்சேவை ஒன்றும் சொல்லாதீர்கள்

2. ஆஷிஸ் நந்தி பின்னுரையோடு ஒரு நாடகம்

3. இரண்டு ராமராஜ்யங்கள்

4. ஹே ராவண்

5. துப்பாக்கித்தனத்தை வீழ்த்தும் உடல்

6. தோட்டாவுடன் ஒரு ஒப்பந்தம்

7. தோட்டாவுக்கு ஒரு நினைவு மண்டபம்

8. அல்லாஹூ அக்பர்

 

9. வடுவூர் ராமர்

10. மராமரப் படலம்

11. பெருங்கோயில்

12. மாமத ராஜா

13. பிரபஞ்சத்தின் மாபெரும் சர்வாதிகாரி

14. எல்லோருக்குமாம் ஒரு இன்னறுங் கனிமரம்