வடுவூர் ராமர்

 

துப்பறியும் நாவலாசிரியர்
வடுவூர் துரைசாமி ஐயங்கார்
வரத்துப் பறவைகளும்
உள்ளூர்ப் பறவைகளும்
எச்சமிட்டு வளர்க்கும்
வடுவூர் ஏரி
இந்தியாவின்
கபடி கிராமம்
என்றெல்லாம்
பேர்பெற்றது
எங்கள் ஊர்
வடுவூர்

கூடுதலாக

ஏரிக்கரையிலேயே
வடுவூர் ராமரின்
வடிவழகு
உலகப் பிரசித்தம்

வரத்துப் பறவைகளை
அவர் ஒருபோதும் விரட்டியதில்லை
என்பதில்
கூடுதல்
வடிவழகு

அவசியம் வாருங்கள்
தரிசித்துச் செல்லுங்கள்

செல்லும்போது
சற்றே
ஏரியையும்
எட்டிப்பாருங்கள்

முதற்கணம்
வாயில் மீனோடு
வானம் பார்க்கும்
பாம்பொன்று
அடுத்த கணம்
பாம்புத்தாராவாகித்*
தண்ணீரை
உதைத்தெழுந்து
பறந்துசெல்லக் கண்டு
திகைத்துப் போவீர்கள்

அப்படியே
நிற்காதீர்கள்
கன்னத்தில்
போட்டுக்கொள்ளுங்கள்

தரிசனம்
பறந்துவிடும்
     -ஆசை, 21-01-24

பாம்புத்தாரா - Oriental Darter (Snakebird)

கீழ்க்கண்ட கவிதைகளையும் தவற விடாதீர்கள்: 

1. திருவாளர் கோட்சேவை ஒன்றும் சொல்லாதீர்கள்

2. இரண்டு ராமராஜ்யங்கள்

3. ஆஷிஸ் நந்தி பின்னுரையோடு ஒரு நாடகம்

4. ஜெய் ஹே

5. ஹே ராவண்

6. துப்பாக்கித்தனத்தை வீழ்த்தும் உடல்

7. தோட்டாவுடன் ஒரு ஒப்பந்தம்

8. தோட்டாவுக்கு ஒரு நினைவு மண்டபம்

9. அல்லாஹூ அக்பர்

 

10. மராமரப் படலம்

11. பெருங்கோயில்

12. மாமத ராஜா

13. பிரபஞ்சத்தின் மாபெரும் சர்வாதிகாரி

14. எல்லோருக்குமாம் ஒரு இன்னறுங் கனிமரம்