125 மணி நேரத்தில் 200 கவிதைகள்!

நண்பர்களுக்கு வணக்கம்! அடுத்த மைல்கல்! 200-வது கவிதையை இப்போதுதான் எழுதி முடித்தேன். கடந்த 125 மணி நேரத்தில் 200 கவிதைகள். 200வது கவிதை கீழே

*

அம்மையின்
சுற்றும் முலைதான்
இவ்வண்டம்

அது சுற்றிய
சுற்றில்
அதுவும் எல்லாமும்
இரண்டிரண்டாய்த் தெரியும்

அம்மை முலைப்
பால்சுனைவாழ்
மீன்குஞ்சு நான் 
இம்முலைக்குள்ளும்
அம்முலைக்குள்ளும்
இரண்டாய்த் தெரிவது
அப்படித்தான்

        -ஆசை