அமுதுகுடி வல்லாள்

நடனக் கலைஞர் இஷா ஷர்வாணி

அருள் திரண்டு நிற்கிறது

உன் வலமுலை

காமம் திரண்டு நிற்கிறது

உன் இடமுலை

வலமுலை தடவி

இரந்தும் 

கரந்தும் குடிக்கிறது

என் கை

இடமுலை கவ்வி

துழாவியும்

அளாவியும் குடிக்கிறது

என் வாய்

சக்திக் கடலில்

ஊன்றி ஆடிய

ஒற்றைக் காலிலிருந்து

உறிஞ்சி அமுது குடிப்பவளோ 

நீ

ஆடவல்லான் பெரியவனா

அமுதுகுடி வல்லாள் பெரியவளா

என்று தீராத கேள்வி நாடகம்

காலமெல்லாம்

அம்பலமேறட்டும்

அவ்வம்பலத்தே எழும்

அருட்பெரும் காமம் 

தனிப்பெரும் சக்தி

வெடித்து மறையும் நடனம்

   - ஆசை
    09-08-23