உடல்காடு

திருவனந்தபுரத்தின்

விலங்கியல் பூங்கா

தன் உடலைவிட

சில மடங்குகளே 

பெரியதொரு கூண்டில்

ஒரு புலி

சொல்லிச் சொல்லிச் சலித்த

அம்மண்ணின்

நினைவில் காடுள்ள மிருகம் வரியே

நினைவுக்கு வந்தது

குறுக்கும் நெடுக்குமாய்

மடக்கி மடக்கி உலவுவதையும்

அசைவற்றுக் கிடப்பதையும்

பார்த்தபோது

நினைவிலல்ல 

புலியின் உடலில்தான் காடு என்பது

உரக்கப் புரிந்தது

பூங்காவை விட்டு

வெளியே போகும்போது

உடல்தான் நினைவு என்று

உரக்கக் கத்த வேண்டுமென

அப்போதே

தீர்மானித்துக்கொண்டேன்
        - ஆசை