ஆசை: ஆசையின் நூல்கள் குறித்த விமர்சனங்கள்... ஓரிடத்தில்!

Friday, January 5, 2024

ஆசையின் நூல்கள் குறித்த விமர்சனங்கள்... ஓரிடத்தில்!

முதன்முதலில் என் நூலொன்றுக்கு விமர்சனம் எழுதியவர் கவிஞர் பூமா ஈஸ்வரமூர்த்தி. 2006-ல் வெளியான எனது முதல் கவிதைத் தொகுப்பான ‘சித்து’வுக்கு 2007 தீராநதியில் ஒரு விமர்சனம் எழுதியிருந்தார். நிறைகுறைகள் எல்லாவற்றையும் சுட்டிக்காட்டிய சுருக்கமான, நல்லதொரு விமர்சனம் அது. அதன் பிறகு மூத்த விமர்சகர் வெங்கட் சாமிநாதன் மட்டும் எனது மூன்று நூல்களுக்கு (சித்து, கொண்டலாத்தி, ருபாயியத்) விமர்சனம் எழுதியிருந்தார். அது எனக்கு மிகப் பெரிய ஊக்கம் அளித்தது. ஒட்டுமொத்தமாக என் அத்தனை கவிதைத் தொகுப்புகளையும் பற்றி எழுதியிருப்பவர் கவிஞர் ந.பெரியசாமி மட்டுமே. என் கவிதைத் தொகுப்புகளில் அதிக மதிப்புரைகளும் பாராட்டுகளும் பெற்றது ‘கொண்டலாத்தி’ தொகுப்பு. அதற்கு சூழலியல் எழுத்தாளர் தியடோர் பாஸ்கரன் ‘உயிர்மை’யில் ஒரு நல்ல மதிப்புரை எழுதியிருந்தார். அது இப்போது எனக்குக் கிடைக்கவில்லை.

2021ல் ‘அண்டங்காளி’, ‘குவாண்டம் செல்ஃபி’ ஆகிய இரண்டு கவிதை நூல்களும் வெளியானபோது அவற்றை முகநூலில் எட்டு எழுத்தாளர்கள், விமர்சகர்கள் ஒரே நேரத்தில் வெளியிட்டு, அறிமுகக் கட்டுரைகளும் குறிப்புகளும் எழுதியிருந்தார்கள்.

என்னுடைய படைப்பிலக்கிய நூல்கள் அதிக வாசகர்களைப் போய்ச் சேரவில்லை என்றாலும் கணிசமான எழுத்தாளர்கள், விமர்சகர்கள் அவற்றைப் பற்றி எழுதவே செய்திருக்கிறார்கள். அவர்கள் எல்லோருக்கும் என் மனமார்ந்த நன்றி! இந்த மதிப்புரைகளை வெளியிட்ட இதழ்களுக்கும் இணையதளங்களுக்கும் மிக்க நன்றி!

இதுவரை என் நூல்களுக்கு எழுதப்பட்ட மதிப்புரைகள், விமர்சனங்கள், அறிமுகங்கள் போன்றவற்றை இங்கே ஓரிடத்தில் திரட்டித் தர முயன்றிருக்கிறேன். சில கட்டுரைகள் கிடைக்கவில்லை. அவை கிடைத்ததும் அவற்றையும் சேர்த்துவிடுகிறேன். என் நூல்களைப் பற்றிய விரிவான சித்திரம் கிடைப்பதற்குக் கீழ்க்கண்ட கட்டுரைகள் உதவும் என்று நம்புகிறேன்.

- ஆசை

எனது நூல்கள் தொடர்பாக எழுத்தாளர்கள், விமர்சகர்களின் கட்டுரைகள்:

எழுத்தாளர் எஸ்.ராமகிருஷ்ணன்: கவிஞர் ஆசை (என்னைப் பற்றிய பொது அறிமுகம்)

பேராசிரியர் தங்க. ஜெயராமன்: மாம்பழ நிறப் புடவைக்குக் கறுப்பில் கரைக்கட்டு நெய்யும் கலை

கவிஞர் கலாப்ரியா: சாக்த அழகியல் - ஆசையின் ‘அண்டங்காளி’ கவிதைத் தொகுப்பை முன்வைத்து...

மொழிபெயர்ப்பாளர் ஜி.குப்புசாமி: அண்டங்காளி - சன்னதம் கொண்ட கவிதைகள்

கவிஞர் கண்டராதித்தன்: மாசியும் ஆசையின் அண்டங்காளியும்

கவிஞர் தேன்மொழி தாஸ்: ஆசையின் ‘அண்டங்காளி’

கவிஞர் சபரிநாதன்: காமத்தின் தாளமும் அகண்டகாரப் பின்புலமும்...

கவிஞர் சுகுமாரன்: ஆசையின் ‘குவாண்டம் செல்ஃபி’ - கவிஞர் சுகுமாரனின் அறிமுகம்

கவிஞர் குட்டி ரேவதி: குவாண்டம் செல்ஃபி: ஓர் அறிமுகம்

கவிஞர் ஷங்கர்ராமசுப்ரமணியன்: பறவைகள் வெறும் படிமங்களாக இருந்தபோது- ஆசையின் கவிதைகள்