மகிழ் ஆதன் விருது பெறும் தருணம்

 

தமிழ்நாடு முற்போக்கு கலை இலக்கிய மேடையின் விருது வழங்கும் விழா கடந்த 31-12-23 அன்று தேனியில் வெகு சிறப்பாக நடைபெற்றது. அந்த விழாவில் மகிழ் ஆதனுக்கு ‘சிறார்க்கான மேடை விருது’ வழங்கப்பட்டது. இந்த விருதைப் பெற்ற இன்னொரு குழந்தை தமிழ் இனியன். இந்த நிகழ்வில் ஏராளமான படைப்பாளிகளுக்கும் பிற கலைத் துறைகளைச் சேர்ந்த கலைஞர்களுக்கும் விருதுகள் வழங்கப்பட்டன. மகிழ் ஆதனின் முதல் கவிதைத் தொகுப்பான ‘நான்தான் உலகத்தை வரைந்தேன்’ (2021, வானம் பதிப்பகம்) இரண்டாம் பதிப்பும் விற்றுத் தீர்ந்துவிட்டதால் அவனது இரண்டாவது கவிதைத் தொகுப்பான ‘காலத்தைத் தாண்டி வரும் ஒருவன்’ (2024, எதிர் வெளியீடு) நூலை மட்டுமே சில பிரதிகள் எடுத்துச்சென்றிருந்தேன். அவையும் அங்கே விற்றுவிட்டன. என்னுடைய நூல்களும் கட்டுரைகளும் படிக்காத சிலரும் மகிழின் நூலை ஏற்கனவே தாங்கள் வாங்கி வாசித்திருப்பதாகக் கூறினார்கள். மிகவும் மனநிறைவான நிகழ்வு. ‘தமிழ்நாடு கலை இலக்கிய மேடை’யின் நண்பர்களுக்கும் நிகழ்விலும் கைபேசி, முகநூல் போன்றவற்றின் வாயிலாகவும் மகிழ் ஆதனை வாழ்த்திய, கொண்டாடிய அன்புள்ளங்களுக்கு மனமார்ந்த நன்றி! உங்கள் அன்பும் அவனுக்கு அவன் வாழ்நாளை உண்மையில் மகிழ்ச்சி மிக்கதாக மாற்றும் என்று நம்புகிறேன். 

இது மகிழ் ஆதனுக்கு முதல் விருது. புத்தகம் வெளியிட்டது குறித்தே எந்த உணர்வும் இல்லாமல் இருக்கிறான். விருது குறித்தும் அவனுக்கு ஒன்றும் புரியவில்லை என்பதுதான் உண்மை. மேடை ஏறுவதற்கு மிகுந்த கூச்சம். சென்னையிலிருந்து கிளம்பும்போதே “அப்பா, எனக்கு வெக்கமாவும் பயமாவும் இருக்கு. அதனால நீரனை (தம்பி) மகிழ் ஆதன்னு சொல்லி விருது வாங்க வைச்சிடலாம்” என்று விடாமல் நச்சரித்துக்கொண்டே வந்தான். இதெல்லாம் ஒரு வகையில் நல்லதுதான். ஆனால், சிறுவயதில் பெற்ற, பெறப்போகிற அங்கீகாரங்கள் குறித்து பின்னாளில் அவன் சிலாகித்து மகிழ்ச்சி கொள்வான் என்று நம்புகிறேன்.

- ஆசை

மகிழ் ஆதன் குறித்த பதிவுகளில் சில:

எஸ். ராமகிருஷ்ணன்:

https://tinyurl.com/4tswh7pu

https://tinyurl.com/sy24wtt3

பாலசுப்ரமணியன் பொன்ராஜ்: https://tinyurl.com/3anudu2f

சுந்தர் சருக்கை: https://tinyurl.com/yrrt7vk3

டாக்டர் கு.கணேசன்: https://tinyurl.com/3bredys2

மு.இராமநாதன்: https://tinyurl.com/bdaavhjj

ந. பெரியசாமி: https://tinyurl.com/yu3y94jk

ஆசை: https://tinyurl.com/mr9vn367

The New Indian Express: https://tinyurl.com/543wx4zj

இந்து தமிழ் திசையின் ‘மாயாபஜார்’: https://tinyurl.com/5bzpcdts

குங்குமம்: https://tinyurl.com/4ak3pmwh

தமிழ் விக்கி: மகிழ் ஆதன் - Tamil Wiki