யோனி இட்ட தீ

முன்னை இட்ட தீ முப்புரத்திலே

பின்னை இட்ட தீ தென்னிலங்கையிலே

யோனி இட்ட தீ அடிவயிற்றிலே

               வேக வேக வேகவே

கீழ்விந்து ஒரு திசை பாயும்

மேல்விந்து பல திசை பாயும்

ஊழ்விந்து உடனிருக்கும் எப்போதும்

               மூழ்க மூழ்க மூழ்கவே

பெண்யோனி எதிர்க்குறி புணரும்

கண்யோனி தன்குறி புணரும்

மண்யோனி உடல் இடும் வரையும்

              சாக சாக சாகவே

முன்னுடல் பெண்குறியாகும்

தன்னுடல் தன்குறியாகும்

கொன்றுடல் தின்றிடுமே

             மாய்க மாய்க மாய்கவே

சொட்டும் விந்து தீராது

சொட்டிச் சொட்டி ஓயாது

சொட்டு விந்து கொல்லுதே

              தீர்க தீர்க தீர்கவே

துளையென்றும் இலையது உயிரென்றும்

துளைத்தெடுக்கும் மனம்பாராது

துளைசேரக் கொல்லும் விந்து

             தீர்க்க தீர்க்க தீர்க்கவே

பொறியடங்கும் வரை

குறி விறைப்படங்காமல்

பொறியதைக் கொறித்திடுமே

            தேய்க்க தேய்க்க தேய்க்கவே

கால்முதல் மேல்வரை உடுத்திக்

காலது மேலது எனினும்

காலும்மேலும் யோனிகாண் மனமே

           சாய்க்க சாய்க்க சாய்க்கவே

ஊன்றும்வரை இன்பம்

ஊன்றித் தீரா இன்பம்

ஊன்றி ஊன்றிப் புதைக்கும்

          தீய்க்க தீய்க்க தீய்க்கவே

துளிவிந்து உலகு விரிக்கும்

துளிவிந்து உலகு மறைக்கும்

துளியடங்க உலகு தோன்றும்

         தூர்க்க தூர்க்க தூர்க்கவே